Erreminta bat biltegian edo buruan kargatu ahal izateko, beharrezkoa da erreminta aldez aurretik CNCren erreminten taulan definitu izana.

Taula honek erreminta erabilgarrien zerrenda eta horietako bakoitzari lotutako datuak definitzen ditu (zenbakia, familia, zuzentzailea, egoera, mota, luzera, etab.). Taula hori ohikoa da makinaren biltegi guztientzat.

Tresnen taulan parametro mota hauek editatu daitezke:

• Zenbakizko parametroak. Editatu nahi duzun balioa eta sakatu [ENTER].
• Ikonoak. Egin klik saguarekin edo sakatu barra zabaltzailea ikonoa aldatzeko.
• Goitibeherakoak. Aukeratu ezazu nahi duzun aukera eskuragarri daudenen artean, teklatuko sagua edo geziak erabilita.

Erreminta baten balioak editatzeko, jarraitu urrats hauei:

Edozein orritatik, sartu menu nagusira, goiko ezkerreko izkinan dagoen lauki gorria sakatuz.

Sakatu [Erremintak] botoia, "Taulak" atalean, edo lehenik [F9] eta gero [F4] tekla programagarriak.

Aukeratu, erreminten taulan, editatu nahi duzun erreminta. Orriaren eskuinaldean, aukeratutako erremintari lotutako datu guztiak editatu ahal izango dituzu.

Erremintaren parametroak editatzeko, fokua aldatu nahi duzun parametroan kokatu, balio berria sartu eta [ENTER] sakatu, baliozkotzeko. [ENTER] sakatzean, editatutako parametroa baliozkotzeaz gain, fokua hurrengo parametroan kokatuko da.

HMIk biltegi taula bat erakusten du CNCak duen erreminta biltegi bakoitzerako. Biltegiko taulak erreminten banaketa eta horietako bakoitzari gelditzen zaion bizitza erakusten ditu (bizitzaren kontrola aktibo badago).

Erreminta baten balioak editatzeko, jarraitu urrats hauei:

Edozein orritatik, sartu menu nagusira, goiko ezkerreko izkinan dagoen lauki gorria sakatuz.

Sakatu [Erremintak] botoia, "Taulak" atalean, edo lehenik [F9] eta gero [F4] tekla programagarriak.

Egiaztatu, erreminten taulan, biltegian kargatu nahi duzun erreminta existitzen dela, eta ez dagoela buruan, ezta erreminten biltegi batean ere ez.

Tekla programarrien menu horizontalaren bidez, aukeratu zer biltegitan kargatu nahi duzun erreminta.

Erreminta kargatu nahi den biltegiaren posizioa hautatu eta sakatu [Erreminta kargatu] tekla programagarria edo [F10] tekla. Biltegiko posizio hutsetako bat hautatu behar da.

Sartu ezazu biltegian kargatu nahi den erremintaren zenbakia, eta sakatu [ENTER] edo [START] tekla, beheko barran adierazten denaren arabera.

- Sakatu [ENTER] datuak baliozkotzeko.
- Sakatu [START] karga exekutatzeko.

Erremintaren karga prozesua amaitu ondoren, erreminta biltegiko taulan agertuko da.

Prozesu bera bideo honetan azaltzen da:

Erreminta "Jog" eta "Exekutatu" orrialdeetatik kalibratu daiteke, eta [Neurtu/Offsets] tekla programagarriaren bidez edo [F10] tekla bidez sartzen da orrialde horietara.

CNC motaren arabera (tornu edo fresatzeko makinaren eredua), [Erremintaren kalibratzea] botoia desberdina izango da. HMIak, bi CNC motetan, tornuko nahiz fresatzeko tresnak kalibratzeko aukera eskaintzen du. HMIak beharrezko datuak erakutsiko ditu, eta laguntza grafikoa eguneratuko du, aukeratutako tresnaren arabera.

Erreminta erabilgarrien kalibrazio motak

Mahai gaineko haztagailu bat dagoen edo ez kontuan hartuta, HMIak erremintaren kalibratze mota guztiak erakutsiko ditu. Hauek dira erremintaren kalibrazio mota posible guztiak:

1. Eskuzko kalibrazioa. Zundarik gabeko kalibrazioa Mahai gaineko haztagailurik gabe egiten da. Erreferentziazko gainazal bat behar da erreminta kalibratzeko. Mugimendu guztiak eskuz egiten dira. Kontsultatu 0.4 atala Nola kalibratu eskuz erreminta bat informazio gehiagorako.
2. Kalibrazio erdiautomatikoa. Kalibrazioa haztagailuarekin Aukera hori mahai gaineko haztagailu bat dagoenean dago eskuragarri. Posizionatzeko mugimenduak eskuz egiten dira, eta haztapeneko mugimendua CNCak egiten du. Kontsultatu 0.5 atala Nola kalibratu erdiautomatikoki erreminta bat informazio gehiagorako.
3. Kalibratze automatikoa. Kalibrazioa haztagailuarekin Aukera hori mahai gaineko haztagailu bat dagoenean dago eskuragarri. Mugimendu guztiak CNCak egiten ditu, #PROBE kalibrazio ziklo finkoaren bidez. Kontsultatu 0.6 atala Nola kalibratu automatikoki erreminta bat informazio gehiagorako. Gainera, erremintaren kalibrazio automatikoko ziklo bat ere exekutatu daiteke programa batean, dagokion zikloarekin, bai ISOn, bai elkarrizketetan. Horretarako, nabigatu Haztapen Zikloetaraino, eta txertatu horietako bat programan.

Prozesu bera bideo honetan azaltzen da:

Eskuzko kalibraziorako sarbidea

Edozein orritatik, sartu menu nagusira, goiko ezkerreko izkinan dagoen lauki gorria sakatuz.

Sakatu [Jog] edo [Exkutatu] botoia, "Funtzionamendua" atalean, erreminta kalibratu nahi duzun orrira sartzeko.

Orri horietako baten barruan zaudela, sakatu [Neurtu/Offsets] tekla programagarria edo [F10] tekla.

Menua zabaldu ondoren, sakatu [Erremintaren kalibrazioa] botoia. [Erremintaren kalibrazioa] botoia desberdina izango da instalatutako softwarearen arabera (tornu edo fresatzeko makinaren modeloa).

Eskuzko kalibrazioak aktibo dagoen erreminta baino ez du uzten kalibratzen, eta erreminta hori fresatzeko makina edo tornu bat izan daiteke. HMIak beharrezko datuak erakutsiko ditu, eta laguntza grafikoa eguneratuko du, aukeratutako erremintaren arabera.

Haztagailurik ez dagoenez, beharrezkoa da erreferentziazko azalera bat izatea tresna kalibratu ahal izateko. Kalibrazioa da erreminta eskuz mugitzea, erreminta kalibratu nahi den ardatzari dagokion erreferentziazko azalerarekin kontaktuan jarri arte, eta, ondoren, ardatz horretako kalibrazioa baliozkotu. Balioztatu ondoren, balio berriak erreminten taulan gordetzen dira.

Definitu kalibraziorako erabiliko den erreferentziazko gainazaleraren (fresaketa modeloa) edo erreferentziazko piezaren (tornu modeloa) dimentsioak.

• Fresaketa modeloa: Zp definitzeko, sartu erreminta bermatzen den buruaren oinarriaren eta erreferentziazko gainazaleraren arteko distantziaren balioa. Hala, neurtutako erremintaren luzera (L) buruaren sudurraren eta erremintaren puntaren arteko distantzia izango da. Zinematikaren kasuan, funtsezkoa da horrela neurtzea. Halaber, "presetter" bat erabiliz egin daiteke.
• Tornu eredua: Xp eta Zp balioak kalibrazioa egiteko erabiliko den piezaren dimentsioak dira. Erabili pieza landugabe bat, eta torneatu eta aurpegikatu. Xp balioa piezaren diametroa da, eta Zp balioa aurpegiketa gainazalaren eta piezaren finkapen oinarriaren arteko distantzia da.

Aukeratu kalibratu beharreko erreminta eta zuzentzailea. Aukeraketa egin ondoren, CNCak zuzentzaile horretarako erreminten taulan zehaztutako kotak erakutsiko ditu. Erreminta bat kalibratzeko, aktibo dagoen erreminta izan behar da. Erreminta bat aukeratzen bada eta [ENTER] tekla sakatzen bada, CNCak erreminta horren datuak bakarrik erakutsiko ditu. Sakatu [START] erreminta aldatzeko eta erreminta aktiboa finkatzeko. Beheko barrak une oro erakusten du erreminta aktiboa.

Erreminta eskuz hurbiltzea, nahi den ardatzean, erreferentziazko gainazalera ukitu arte, eta sakatu ardatzaren [Neurria hartu] tekla programagarria, kalibrazioa baliozkotzeko. Kalibrazioa baliozkotu ondoren, balioak eguneratu egiten dira, eta higadura balioa zeroan jartzen da. Balio berriak erreminten taulan gordetzen dira. Makina tornu bat bada, egin eragiketa bera beste ardatzarentzat.

Zundarekin kalibratzeko sarbidea

Edozein orritatik, sartu menu nagusira, goiko ezkerreko izkinan dagoen lauki gorria sakatuz.

Sakatu [Jog] edo [Exekutatu] botoia, "Funtzionamendua" atalean, erreminta kalibratu nahi duzun orrira sartzeko.

Orri horietako baten barruan zaudela, sakatu [Neurtu/Offsets] tekla programagarria edo [F10] tekla.

Menua zabaldu ondoren, sakatu [Erremintaren kalibrazioa] botoia. [Erremintaren kalibrazioa] botoia desberdina izango da instalatutako softwarearen arabera (tornu edo fresatzeko makinaren modeloa).

Sakatu [Kalibrazioa haztagailuarekin] edo [F9] tekla haztagailuaren kalibrazio orrira sartzeko.

Aukera hori soilik egongo da eskuragarri makinan mahai gaineko zunda bat instalatuta badu.

Fresatzeko makina modelo batean, HMIak fresatzeko erreminten luzera edo erradioa eta tornuko erreminten offsetak kalibratzen uzten du. Tornu modelo batean, edozein erremintaren offsetak kalibratzen uzten du.

Kalibrazioa da erreminta eskuz mugitzea eta haztagailura hurbitltzea, eta, ondoren, CNCari haztapen mugimendua egiteko agintzea. CNCak erreminta aukeratutako ardatzetik mugituko du, haztagailua ukitu arte. Haztagailua ukitu ondoren, ardatz horretako kalibrazioa amaitutzat jotzen da, eta balioak eguneratzen dira. Kalibrazioa amaitu ondoren, erreminta eskuz kendu, haztapen mugimenduaren kontrako noranzkoan.

Erreminta kalibratu

Erreminta bat zunda batekin kalibratzeko, jarraitu urrats hauei:

Definitu haztapen distantzia eta aitzinamendua. Aitzinamendua zehazten ez bada, makinaren fabrikatzaileak zehaztutako aitiznamenduari egingo zaio haztapena.

Aukeratu kalibratu beharreko erreminta eta zuzentzailea. Kalibratu beharreko erreminta aktiboa izan behar da.
Kalibratze zikloan sartzean, erreminta aktiboaren datuak bistaratzen dira. Aktiboa ez dagoen erreminta bat neurtu nahi baduzu, joan "T" eremura eta editatu neurtu beharreko erremintaren zenbakia.

• [ENTER] sakatuz gero, zikloa aukeratutako erreminta berriaren datuekin eguneratuko da.
• [START] sakatzen bada eta fokua "T" edo "D" eremuetan jarrita badago, erreminta aldaketa bat egingo da, eta aukeratutako erreminta izango da aktibo dagoen erreminta.
• [START] sakatzen bada eta fokua "T" edo "D" eremuetatik kanpo badago, ohar bat erakutsiko da, erreminta aldaketa ez dela exekutatuko adieraziz.

Eskuz hurbildu erreminta haztagailura, haztapena egiteko erabiliko den ibilbidean egon arte. Erradioa haztagailu zilindriko batekin kalibratzeko, ibilbideak haztagailuaren puntu zentralarekin bat etorri behar du, bestela erradioaren kalkulua okerra izango da. Tekla programagarri horizontalen bidez, aukeratu zer ardatzetan eta norabidean egin nahi duzun kalibrazioa. Ondoren, sakatu [Kalibratu] tekla programagarria edo [F12].

Sakatu [START] kalibratzeko edo [ESC] kalibrazioa ezeztatzeko. [START] sakatzean, erreminta ardatzarekiko paraleloan mugituko da, eta aukeratutako norabidean, haztagailua ukitu arte. Neurtutako balioa eguneratu egingo da eta higadura balioa zeroan jarriko da. Datuak erreminten taulan gordetzen dira. Azkenik, erreminta eskuz kendu, haztapen mugimenduaren kontrako norabidean.

Zundarekin kalibratzeko sarbidea

Edozein orritatik, sartu menu nagusira, goiko ezkerreko izkinan dagoen lauki gorria sakatuz.

Sakatu [Jog] edo [Exekutatu] botoia, "Funtzionamendua" atalean, erreminta kalibratu nahi duzun orrira sartzeko.

Orri horietako baten barruan zaudela, sakatu [Neurtu/Offsets] tekla programagarria edo [F10] tekla.

Menua zabaldu ondoren, sakatu [Erremintaren kalibrazioa] botoia. [Erremintaren kalibrazioa] botoia desberdina izango da instalatutako softwarearen arabera (tornu edo fresatzeko makinaren modeloa).

Sakatu [Kalibrazioa zundarekin] tekla programagarria edo [F9] tekla zundaren kalibrazio orrira sartzeko.

Kalibrazio hau soilik makinak mahai gaineko zunda bat instalatuta badu egongo da erabilgarri. Mugimendu guztiak CNCak egiten ditu. Aukera horri esker, fresak zein tornuak kalibratu daitezke. HMIak beharrezko datuak erakutsiko ditu, eta laguntza grafikoa eguneratuko du, aukeratutako erremintaren arabera.

Kalibrazioa haztapen ziklo finko baten bidez egiten da. CNCak erreminta mugitzen du, haztagailua ukitu arte, eta ardatz bakoitzean kalibrazioa baliozkotzen du. Erreminta planoaren edozein ardatzetan kalibratu daiteke.

Kalibrazioa hasteko, [START] tekla sakatu behar da. CNCak kalibrazioa aukeratutako ardatzetan amaitzen duenean, erreminten taula eguneratuko du neurtutako balioekin. Gainera, CNCak balio berriak hartzen ditu.

Erreminta kalibratu

Erreminta bat zunda batekin kalibratzeko, jarraitu urrats hauei:

Aukeratu kalibratu beharreko erreminta eta zuzentzailea. Ez da beharrezkoa erreminta buruan jartzea, CNCa arduratzen da eragiketa hori egiteaz, beharrezkoa bada.

Fresa bat bada, aukeratu egin beharreko eragiketa tekla programagarrien menu horizontalean.

Definitu kalibratze zikloko datuak.

Sakatu [Zikloa exekutatu] tekla programagarria edo [F12].

Sakatu [START] tekla kalibratzeko edo [ESC] tekla kalibrazioa ezeztatzeko. CNCak erreminta kalibratzen du beharrezko mugimendu guztiak eginez, ez da beharrezkoa erreminta eskuz hurbiltzea. Zikloan definitutako erreminta eta erreminta aktiboa desberdinak badira, CNCak automatikoki aldatuko du erreminta, eta jarraian neurtu egingo du.

Kalibrazioa egin ondoren, erreminten taulako datuak eguneratuko dira.

Erreminta ikuskatzeko modu asko daude. Hemen dituzu bideo instruktibo batzuk:

Erremintaren ikuskapena egitea:

Erreminta eskuz ikuskatzea:

MDIa erabiltzea erreminten ikuskapenean:

Konpentsazio erreminta, erreminten ikuskapenean:

Birposizionatzea erreminten ikuskapenean: