Fagor Automationek Milango EMO azokan izan duen parte-hartzearen balorazio oso positiboa egin du. Azoka urriaren 5 eta 10 artean egin zen fieramilano erakustazokan.
- Errekorrak hautsi dituen edizioa
- 1.600 erakusketari
- 120.000 metro karratu
- 155.362 bisitari
- 120 herrialde
- %51 atzerriko bisitariak
Fagor Automation -ek 120 m2-ko standean, zenbakizko kontroletan eta kaptazio sistemetan azken berritasunak aurkeztu zituen eta interesdun bisitari asko hurbildu zen bertara.
- Fabrikatzaileak. Gure standera hurbildu ziren fabrikatzaileei gure produktu gama guztia erakutsi ahal izan zitzaien. Fagor Automationek, bere katalogoan zenbakizko kontroletatik hasita, motorrak, erreguladoreak, kaptazio sistemak ere baditu, eta honela, bezeroen behar guztiei soluzio global bat emateko gai da.
- Erabiltzaileak. Tornu eta fresaketzeko makinetan, 8060 eta 8065 zenbakizko kontrolen saioak ikusi ahal izan zituzten erabiltzaileek. Fagorrek eman dituen urratsak erakusteko modu bat izan zen, batez ere, fresaketaren munduan eman dira urrats horiek, eta saioak programazioan adituak direnek eman zituzten.
- Banatzaileak: Asier Telleriak (Customer Service Manager) aipatzen digu, azokan zehar banatzaileekin bilera interesgarriak izan zituztela eta beraietan urratsak zehaztu ziren beraien herrialdeetan kolaboraziotarako proiektu garrantzitsu berriak egiteko.
- Eskolak: egunero formazio teknikoa duten taldeak artatu genituen eta makina erremintan gure produktuek duten garrantzia azaldu zitzaien. Izan ere, beraiei esker, konplexutasun handiko mekanizatuak eta akabera exijenteak lortzen dira.
Beste gai batzuen artean gure web orrian doako simulagailu bat dutela zehaztu zitzaien. Simulagailuak pieza baten programazio oso bat egiteko aukera ematen dio erabiltzaileari, edozein kanpoko PC-rekin era erosoan eta produktiboan.
- Instituzioetako bisitariak: Espainiako Ekonomia eta lehiakortasun Ministerioa, ICEX, SPRI, Eusko Jaurlaritza, Eusko Legebiltzarra, Gipuzkoako Foru Aldundia.
Gure berritasunen artean, kontakturik gabeko enkoder lineal absolutuen gama berriak ere aurkeztu zituzten, konexiorako interfaze digital ezberdinekin, bereizmen nanometrikoarekin eta formatu ezberdinetan bezeroen beharretara eta aplikazioen eskakizunetara egokitzeko. Enkoder lineal absolutu itxiei buruz, eskaintza produktu-familia berriekin zabaldu zen, modernoagoak dira eta hainbat hobekuntza mekaniko inplementatu dira beraietan.
Fagorren produktuak erakusten zituzten bezeroen txosten positiboetan eta gure pertsonalaren esperientzietan oinarrituta, EMO 2015 azoka, makina erreminta sektoreak bizirik eta baikortasun handiz jarraitzen duen froga izan da. EMO azoka honek, etorkizunerako konfiantza ematen digu eta are konbentzituago gaude Fagor Automationek mundu osoan hazkunde potentzia izan dezakeela.
Mila esker bisitatu gaituzuen guztioi.
