Fagor Automationek bere etengabeko hobekuntzaren prozesuan, bere produktuak garatzen jarraitzen du. Oraingo honetan CNC 8055 FL eta CNC 8055 Power, zenbakizko kontrolen serie berriak aurkezten ditu eta beren diseinuak makinen produktibitatea hobetu eta langilearen lana erraztea dute helburu.
Mikroprozesatzaile berri bati eta mekanizatzeko algoritmoetan eginiko hobekuntzei esker, bien konbinazioarekin CNC 8055 berriak abiadura altuko mekanizatuari dagokionez, askoz ahaltsuagoak izatea lortu da lehengoak baino. CNC 8055 berriak, lehengo modeloekin konparatuz, kalkulu ahalmen handiagoa dauka, look ahead buffer handiago bat du eta bloke prozesuaren denbora benetan txikia da.
Funtzionalitate hauen ondorioa, mekanizatu denboran erabateko jaitsiera izan da, piezen gainazaleko kalitatea hobetzera iritsiz. Hainbat bezerorekin egin diren probek denboran %50eko hobekuntzak erakutsi dituzte exijentzia handiko piezetan, uneoro mekanizatuaren gainazalaren kalitatea mantenduz.
8055 berriek diseinu ergonomiko eta berritzailea dute. Alde batetik, teklatu linea berri bat dakar, USB konektore baten bidez programak modu erraz eta azkar batean kargatu eta deskargatzea ahalbidetzen duena, sare lokalera edo internetera konektatuta egoteko beharrik gabe. Pastel koloreko tonuek, lerro eta formen sinpletasunak pantailetan kontzentrazioa hobetzen dute eta langileen ikusmenean nekea gutxitzen dute. Gainera, aurreko produktuekin bateragarritasuna mantentzen dute erabiltzaileari horrela nahi izanez gero aurreko interfazea erabiltzeko aukera eskainiz.
CNC 8055 FL (First Line) makina mota desberdinei soluzioak emateko diseinatua dago (mekanizatu zentroak, artezteko makinak, tornu paraleloak…) zeinetan denbora eta akabera exijentziak ez diren oso altuak. CNC 8055 Poweri dagokionez, exijentzia altuko makinentzat soluzio aproposa dela erakutsi du, abiadura handiko prestazioak beharrezkoak izaten direnerako, adibidez abiadura altuko mekanizatuetarako. Bi modeloak eragintza digitaleko sistemekin zein Fagor neurrirako sistemekin armonian lan egiteko diseinatuak daude, modu honetan osoko soluzio bat eskainiz makinen puntuan jartze eta mantentzea erraztuz.
