Eremu asiarrean epe laburretik haratagoko ikuspen faltaz gain, argi dagoena da gobernu txinatarrak azken bi hamarkadetako garapen eredua irmoki aldatu nahi du. Garapen eredu hori hazkunde kuantitatiboan eta BPGrekiko (barne produktu gordina) obsesioan oinarrituta dago. Eredu berriarekin enfasi handiago bat egin nahi dute hazkunde kualitatiboan, merkatuarekiko orientazioan eta beraz, ez hain interbentzionista, eta baita denboran jasangarriagoa. Ezin dira korolario positiboak ahaztu, aurreko etaparen alderdi iluna, finantza – burbuilak zor handia utzi du neurri batean probintzietako gobernuek eraginda. Kasu askotan, gobernu probintzial horiek eta Estatu korporazio handiak proiektu faraoniko amaigabetan bete – betean sartuta daude. Egoerari neurriak jartzea beharrezkoa zen.
Berriki Li Keqiang Lehen Ministroak BPGren hazkunde aurreikuspenak %7 murriztu ditu datozen 10 urteetarako. Aurreikuspen ezkorrenen azpitik, pizgarrien pakete berriak emateko baita banka sektorearen bidez likidezia handiagoa esperantza guztiak baztertu dira. Guzti horrek, Sahanghaiko burtsan, egun bakarrean (ekainaren 25ean) azken urteetan gertatu den burtsa indizearen erorketa bortitza ekarri du (%-5,3).
PYMEek, sektore pribatua adierazten dute, moneta politikaren eragina gehien jasaten ari direnak dira, finantzaketa lortzeko zailtasunagatik eta bere kostuen igoeragatik. Posible da egungo egoera oraindik ere bere amaierara ez iritsi izana eta oreka lortzeko prozesuan badirudi denbora beharko dela.
Eta noski, Txinak duen rola ikusita, gertaera honek ez dauka Txinan bakarrik eragina beste herrialde batzuetan ere badauka.
Ezin ahaztu dezakegu Asiako hego-ekialdeko herrialdeetan (240 miloi biztanle) edo Vietnam (90 miloi) presio handia egiten ari direla Txinarengan. Txinak gehiegizko produkzio ahalmena du eta abantailak eskaintzen ditu inplementazio kostuei eta fiskalitateari dagokionez, honela inbertsio atzerritarra erakartzen du.
Egoera honek bete-betean eragiten du makina erramintaren sektorea, nahiz eta berezitasun ezberdinekin herrialde bakoitzean. Txinaren kasuan fabrikatzaile nazionalak dira kaltetuenak eta prestazio altuko makinen inportazioak zenbaki positiboetan jarraitzen du, sektore aeroespazialaren, abiadura handiko trenak edo azken belaunaldiko zentral nuklearrei esker.
Taiwanek maila ertaineko eta prezio lehiakorrerako duen bokazio esportatzaileagatik, eskaera berrien jaitsiera pairatzen ari da merkatu txinatarragatik eta baita europarragatik.
Hego Koreak hiru hilekoa ondo hasi zuen, baina yen debaluatu baten abantaila lehiakorra sufritzen ari da. IT sektorea ere, saturazio trazak ematen hasi da.
Japon momentu on bat bizitzen ari da, izan ere Gobernuaren neurriek merkatuan dirua eman dute eta yena debaluatu da. Honela, barne kontsumoa aktibatzeaz gain esportazioak hobetzea lortu da.
Eremuko gainerako herrialdeak ez dira makina erreminta fabrikatzaileak, kontsumitzaileak dira, baina oraindik ez dira kontsumitzaile esanguratsuak. Hala ere, etorkizunera begira hazkunde ahalmena daukate.
Bigarren hiruhileko datuek, Japon salbuespena da, hazkunde joera positiboa baitu, jarduera industrialaren eta eremuko kontsumoan konfiantza indizean ahulgune bat erakusten dute.
Testua: Jesús Amézaga, Txinako zuzendari eraginkorrenen artean dago. Fagor Automationeko Arrasateko lantegian I+G+i sailean eta Komertzial Sailean lan egin ondoren, 1998an Txinara joan zen, egungo bere bizilekua da eta Fagor Automationeko merkatu asiarreko arduraduna da.
